Liðið fyrir síðasta leik

Er svolítið mikið að gera og hefur raunar verið síðan ég kom heim. Byrja að vinna, hitta félagana og í fótboltanum. Þá bauð ég mig einnig fram í stöðu Alþjóðafulltrúa Politicu, sem er nemendafélag stjórnmálafræðinema, þegar ég var í Búlgaríu og hlaut rússneska kosningu í það embætti. Ég er rétt að taka við því þessa dagana en auk þess er ég varaformaður/ritstjóri meistaraflokks Hamars í knattspyrnu og svo á ég líka eina litla konu sem fær allt of lítinn tíma. Ég skrifa inn á "heimasíðu" Hamars, sem ég bjó til, og skrifa svo pistla í "Naglann", sem er blaðlingur sem við gefum út í Hveragerði fyrir hvern heimaleik, nánar tiltekið aðra hverja viku.

Þannig að þegar ég er búinn að vinna mína tíu tíma klukkan sex fer ég á fótbolta æfingu, fer svo í heim í bæinn og er kominn þangað svona hálf tíu og þá fer ég að skrifa inn á heimasíðu Hamars eða pistla í Naglann. Aumingja litla konan er því dottin niður í eitthvað sæti sem ekki verður gefið upp hér en hún á eftir að vinna sig upp;)

Svo birtist ég öskrandi á knattspyrnusíðum þess á milli! ...alla vega svona í bakrunni;)